Një vatër zjarri është shfaqur para pak minutave në zonën e Velipojës. Sipas informacioneve paraprake nga vendgjarja, flakët janë shfaqur në brezin e pishave në zonën e Velipojës, në drejtim të Vilunit. Mësohet se drejt vendngjarjes janë nisur mjete zjarrëfkëse dhe efektivë të MZSH Shkodër. Vlen të theksohet se një zjarr ditën e sotme është i pazakonshëm. Temperaturat janë mjaft të ulta dhe nuk mungojnë reshjet e shiut, edhe pse të dobëta dhe të shkurtra në kohë. Sipas gjasave, në rastin e këtij zjarri, mund të jetë nga pakujdesia apo edhe qëllimshme.
