“Sezoni që sapo u mbyll më duket një ëndërr”, shkodrani i kombëtares Kuqezi Kumbulla: Grup i jashtëzakonshëm

Sezoni 2019-2020 ka qenë padyshim sezoni i Marash Kumbullës. Djaloshi shqiptar u kthye nga një emër i panjohur në dëshirën e merkatos së klubeve më të mëdha italiane dhe jo rastësisht, ai vetë e cilëson një ëndërr atë që ka kaluar brenda vitit të fundit.


Në një postim në rrjetet sociale, Kumbulla ka shkruar disa fjalë pikërisht për mbylljen e këtij sezoni të parë prej protagonisti me Veronën, duke treguar krenarinë e tij për atë që ka bërë në fushë bashkë me skuadrën në fjalë që kaloi çdo lloj parashikimi.

“Nëse ndalem një moment të mendoj për sezonin që sapo u mbyll, më duket një ëndërr, duke filluar nga ajo datë 25 gusht, data e debutimit në Serinë A që nuk do ta harroj kurrë.

Ashtu si nuk mund të harroj me siguri 5 tetorin dhe gëzimin e golit të parë. Sfidat kundër të mëdhenjve të kampionatit tonë, fitoren ndaj skuadrës kampione të Italisë, udhëtimin e një grupi të jashtëzakonshëm që ka merituar çdo pikë dhe çdo kënaqësi në një kampionat pë të cilin thjesht duhet të jemi krenarë”, shkruante Kumbulla në postimin e tij.


REKLAMAT NË KËTË FAQE, JANË I VETMI BURIM PËR TË GARANTUAR PAVARËSINË, PAANËSINË DHE PROFESIONALIZMIN E KËSAJ MEDIA. NËSE KENI MIRËSINË NË KËTO REKLAMA, JU NA JEPNI NJË MBËSHTETJE TË ÇMUAR! FALEMINDERIT!