Jani Nehani, i njohur nga miqtë e kolegët e tij edhe si Hyda, ka humbur betejën me Covid- 19 në një moshë të re, duke lënë pas bashkëshorten dhe fëmijët.
Ish- efektivi i Policisë së Shkodrës, vdiq në Turqi, ku me mbështetjen e familjes, miqve, kolegëve u dërgua për kurim por pa sukses fatkeqësisht. Është një humbje e madhe për familjen, të afërmit, kolegët, miqtë e të njohurit, tek të cilët Hyda ka lënë një kujtim shumë të mirë. Por dhimbja për këtë humbje është edhe më e madhe, pasi trupi i pajetë duhet të kthehet në Shqipëri për tu varrosur.
Familja e ka të pamundur të përballojë shpenzimet. Prandaj, thirrja jonë është për të gjithë njerëzit, ata që kanë mundësi, të kontribuojnë sipas mundësisë që të mundësohet udhëtimi i fundit i Hydës në Shkodër.
ShkodraWeb Media fton të gjithë miqtë e dashamirët, ndjekësit e mbështetësit e saj, shqiptarët dhe jo vetëm ata, kudo të ndodhen, të ndihmojmë rikthimin e Hydës në Shqipëri, për tu prehur afër njerëzve që e deshën më shumë në këtë jetë. Nevojiten 15 mijë euro, që asnjë familje normale shqiptare nuk i disponon, prandaj duhet ndihma e të gjithë neve, kudo të ndodheni.
Faleminderit nga zemra të gjithë atyre që mundt të kontribuojnë financiarisht ose duke shpërndarë sa më shumë të mundeni këtë thirrje në rrjetet tuaja sociale. Për të dhënë ndihmën tuaj, jeni të lutur të klikoni linkun: https://www.gofundme.com/f/ndihme-te-sjellim-trupin-e-hydes-ne-shqiperi /ShkodraWeb Media/
Të nderuar lexues dhe vizitorë të portalit tonë! Reklamat që shfaqen, mundësojnë që ShkodraWeb të vazhdojë të jetë e lirë dhe e pandikuar në përcjelljen e të vertetës. Faleminderit nëse i klikoni!
