Një djalë i ri nga Lezha, po përballet prej kohësh me një sëmundje të rëndë të quajtur skleroza laterale amiotrofike (ALS). Ai nuk mund të lëvizë dhe qendron vazhdimisht i shtrirë. Megjithatë, ka shpresë.
Trajtimi në klinika të specializuara, i mundëson përmirësimin e shendetit, duke i dhënë mundësinë të ecë sërish. Ky trajtim mund të bëhet vetëm në klinika jashtë vendit dhe kostoja është e papërballueshme për familjen, të afërmit, miqtë e të njohurit e të riut lezhjan.
Të afërmit, i janë drejtuar bujarisë dhe zemrës së madhe të shqiptarëve kudo ku ata jetojnë. Olta Dodaj, një e afërme, ka hapur një llogari në GoFundMe, ku secili mund të kontribuojë sipas mundësisë.
“Përshëndetje, emri im është Olta dhe po mbledh fonde për kushëririn tim Fatmir Nikolla. Ai vuan nga skleroza laterale amiotrofike (ALS). Është zemërthyese për të gjithë ne ta shohim atë duke vuajtur dhe duke mos qenë në gjendje ta ndihmojmë. Fondet e dhuruara përmes Gofundme do të përdoren për një klinikë rehabilitimi ku ai mund të ketë ndihmën profesionale që ka aq shumë nevojë dhe t’ia lehtësojë ditët dhe t’i japë shpresë.
Ju lutemi ndihmoni Fatmirin, ju lutem shpëtojeni atë. Zoti ju bekoftë të gjithëve!”, shkruan e afërmja e Fatmirit, Olta Dodaj. Të gjithë ata që kanë dëshirë të kontribuojnë, me sa të kenë mundësi, mund të klikojnë këtë link https://www.gofundme.com/f/help-to-save-fatmiris-life
Të tjerët, mund të shpërndajnë këtë lajm që të mund ta lexojnë ata që kanë mundësi ekonomike të kontribuojnë për të shpëtuar të riun lezhjan Fatmir Nikolla.
