Senida Mesi, e përfolur si kandidate potenciale për të kandiduar për Bashkinë e Shkodrës, ka qenë sot në mbledhjen e Asamblesë së madhe, ku duket se ka nisur edhe fushatën elektorale. Megjithëse është thjesht një nga 4 deputetët e PS-së në Shkodër dhe nuk është më zëvendëskryeministre, Mesi nuk ka ngurruar të dërgojë një mesazh për Voltana Ademin, të cilën mesa duket e sheh si rivale për Bashkinë e Shkodrës.
“Kam nje mesazh per kryetaren e bashkise Shkoder Voltana Ademi. Shkodra nuk eshte e PD dhe as e PS por Shkodra eshte e shkodraneve dhe ne do te punojme maksimalisht per ta ndryshuar kete qytet dhe per ta trajtuar ashtu si duhet.”, ka thënë Mesi.
Për hir të realitetit, sidomos për qytetin e Shkodrës, Mesi, kolegët e saj apo edhe PS nuk ka bërë thuajse asgjë nga viti 2013. Madje, kryeministri Rama e ka përsëritur shpesh se “Shkodra duhet të marrë shembull nga Malësia e Madhe”. Tani që është thjesht deputete, çfarë mund të bëjë më shumë Mesi nga sa nuk arriti të bëjë përgjatë 1 viti e gjysëm si numri 2 i qeverisë Rama?! Një gjë është e sigurtë, Mesi dhe PS kanë nisur fushatën për të marrë bastionin e PD-së, Shkodrën. Në 2015-ën, edhe si pjesë e skuadrës së PS-së, Mesi provoi dështimin përballë PD-së. A do ta provojë sërish sivjet, tani personalisht…?!
