Miokardit është sëmundja që i mori jetën vogëlushit 8- muajsh që u paraqit në Spitalin Rajonal të Shkodrës rreth 2 javë më parë. Burime zyrtare nga ky institucion, pohojnë për ShkodraWeb se miokarditi ka një vdekshmëri të lartë deri në 90%.
Të njëjtat burime që u referohet ShkodraWeb, nuk preferojnë të identifikohet tashmë që çeshtja po hetohet nga Prokuroria e Shkodrës pas kallëzimit të bërë nga familjarët e fëmijës.
LEXONI EDHE: DENONCIMI – Fëmija 8- muajsh humbi jetën nga neglizhenca apo paaftësia e mjekëve në Spitalin e Shkodrës
Simptomat e kësaj sëmundje janë vështirësi të frymëmarrje, temperaturë, ethe, humbje ndjenjash, të fikët dhe mund të ngatërrohet në jo pak raste me gripin. Megjithatë, ajo mund të evidentohet me analizë gjaku, elektrokardiogramë dhe ekokardiogramë.
Terapia që përdoret për trajtimin e sëmundjes është faramakologjike standarte si në kushtet e insuficencës kardiake. Pacientët për një periudhë nga 3-6 muaj, nuk duhet të bëjnë asnjë aktivitet fizik, deri në normalizim që konstatohet nga analiza. Në rastin e fëmijës 8- muajsh, mund ta shpëtonte vetëm një transplant zemre, ndërsa autopsia do të tregojë shkaqet e vdekjes.
LEXONI EDHE: “Fëmija për të cilin bëhet fjalë është i afërmi im”, pas lajmit në ShkodraWeb, reagon këshilltarja bashkiake…
Ndërsa pritet që Prokuroria pritet të hedhë dritë mbi këtë rast tragjik, mjekë të Spitalit Rajonal të Shkodrës që flasin për ShkodraWeb thonë se jo në Spitalet e Shqipërisë por kudo në Ballkan të dërgohej fëmija 8- muajsh, nuk do të shpëtonte.
