Samuel Nikaj edhe këtë vit nuk do të trajnojë ekipe në kampionatet e Shqipërisë. Pavarësisht se u fol për Besën e Kavajës, Nikaj duket se do të rikthehet sërish në Kosovë. Sfida e tij e rradhës është Vushtrria, ekip që synon Superligën kosovare në këtë sezon. Njoftimi për kalimin e Samuel Nikajt në Kosovë, është dhënë në faqen zyrtare në Facebook të Klubit Vushtrria ku thuhet: “Zyrtare: Samuel Nikaj trajner i joni!
Sonte ne oret e vona eshte arritur marreveshje ne mes te FC Vushtrria dhe trajnerit Samuel Nikaj.
Nikaj eshte nga qyteti i Shkodres dhe vjen me nje bagazh te madh te rikthimeve. Ai ka drejtuar skuadra te cilet i ka rikthyer nga Liga e Pare ne Superlige, KF Flamurtarin (Prishtine) vitin e kaluar si dhe KS Kastriotin (Kruje) ne Shqiperi vitin e fundit, ai madje me heret ka drejtuar skuadrat si KF Vllaznia (Shkoder) dhe KF Beslidhja (Lezhe).
Me Nikajn trajner, FC Vushtrria synon Superligen ne sezonin e ardhshem.
Se bashku, drejte Superliges!”, është postimi i klubit kosovar për marrëveshjen me trajnerin shkodran. ShkodraWeb i uron suksese Samuel Nikës!