Sali Berisha i përgjigjet thirrjes së Prokurorisë, paraqitet për të dhënë dëshmi për protestën e 8 janarit

Me dy gishta lart, ish-kryeministri Sali Berisha është futur në Prokurorinë e Tiranës për të dëshmuar në lidhje me protestën e 8 janarit, para selise se PD. Ai do të jetë përballë dy prokurorëve Elizabeta Ymeraj dhe Eljon Mazreku për protestën e 8 janarit.

Nderkohë para se ai të shkonte në Prokurori, për gazetarët ai u shpreh se është thirrur nga Rama, pasi ai ka urdhëruar.


Berisha deklaroi se do të japë informacione të hollësishme sapo të dalë nga prokuroria.

Berisha: Ju ftoj se sapo të dal nga dera e Prokurorisë do tju informoj ju hollësisht. Basha është një vegël i qeverisë, aty thirrem nga Rama unë jo nga Basha. Unë mendoj se duhet tu kërkonte të falur dhe të ndëshkonte policinë, kishte ndaluar njerëz të pafajshëm.