Kryeministri Edi Rama ka komentuar zhvillimet e ditës së sotme në PD. Pas një shprehje të një aktori të ndjerë të filmave western amerikan, Rama ka bërë një shënim më të gjatë në Twitter.
“Kur shoh këto dy kufoma politike që luajnë kështjellash në mes të Tiranës dhe fajësojnë njëra-tjetrën se kush është shërbëtori im, më vjen t’u lëshoj demokratëve një kushtrim të megjithëzemërt: Ejani t’i japim ç’mundemi Shqipërisë, të bashkuar si shqiptarë, si qytetarë, si njerëz!
Lërini në fatet e parashkruara humbësin kronik të selisë blu dhe personazhin pa seli të listës së zezë, të cilët të kujtojnë të dy fjalët e Xhokerit, “Skam asgjë për të humbur. Asgjë s’më dhemb dot më. Tashmë jeta ime është thjesht një komedi”! Sa u shkon ai llafi… Varu teneqet!”, shkruan kryeministri i vendit.
Më poshtë, shënimi i plotë i Edi Ramës në Twitter.
