Rudina Hajdari, kryetarja e Grupit Parlamentar të Demokratëve në Parlament e ka quajtur si arritje shumë të madhe për ‘opozitën e re’, që mundi të fusë në axhendën e Komisionit të Reformës Zgjedhore dhe kërkesën për të diskutuar ndryshimin e sistemit zgjedhor. Hajdari ka thënë se opozita e re do të bëjë të mundur që të arrijë të gjitha objektivat që i ka parashtruar maxhorancës.
“Në komisionin e ri do kemi disa amendime. Amendimi i ri ka të bëj më futjen e ndryshimit të sistemit. Kjo është një arritje shumë e madhe për opozitën dhe gjithë vendin. Ne do bëjmë të pamundur që të arrijmë të gjitha objektivat që kemi parashtruar me maxhorancën.
Përtej rekomandimeve të OSBE/ODIHR-It, ne do bëjmë të mundur që të eliminojmë shit-blerjen e votave dhe do eliminojmë përdorimin e administratës zgjedhore. Këto janë objektive me ambicie të lartë, por ky është objektivi i opozitës së re.
Ne do zgjidhim njëherë e përgjithshmen këto problematike. Në duhet t’i garantojnë qytetarëve shqiptar zgjedhje të lira dhe të ndershme. Nuk është objektiv i pamundur”, ka thënë Hajdari.
