Rikthehen tensionet në sallën e Kuvendit. Pas sinjalizimit të deputetëve të PD-së se ata u kontrolluan në hyrje të sallës së Kuvendit nga punonjësit e Gardës, është tensionuar sitata në sallë.
Tensioni është krijuar në momentin kur deputeti demokrat Edmond Spaho ka marrë fjalën, dhe nuk është ndalur tek çështjet e rendit të ditës, por tek ekstradimi i Nazer Seitit, i ashtuquajturi financieri i Habilajve. Nisur nga kjo, kryeparlamentari Ruçi i ka ndërprerë fjalën.
Në këtë moment janë ngritur deputetët demokratë, dhe kanë bllokuar foltoren. Mes deputetëve ishte dhe vetë kreu i PD-së Lulzim Basha.
Pas ndërhyrjes së Gardës, dhe duke marrë shkas nga tensionet e krijuara në sallë, kryeparlamentari Ruçi ka ndërprerë seancën plenare
