“Rruga e Velipojës një skandal”, zëvendëskryeministrja Mesi i përgjigjet Prençit: Deklarata emotive

Një ditë pasi kreu i emergjencave civile, Shemsi Prençi e quajti rrugën e Velipojës një skandal dhe se puna që po bëhet në atë rrugë po zgjeron hartën e përmbytjeve, ka reaguar nga Shkodra zv.kryeministrja Senida Mesi. Ajo ka thënë se po vlerësohet gjendja e rrugës dhe të gjitha strukturat janë në terren.

“Nuk dua te merrem me deklarata emotive. Gjendja po vlerësohet inxhinierët e firmave janë ne terren. Nëse rruga ka problematika ato do rishihen dhe do zgjidhen. Situata është e tillë që po e menaxhojmë. Te gjitha strukturat janë në terren. KESH ka akorduar 10 mln lekë të reja për këta banore si ndihmë për nevojat që kërkohen. Edhe qeveria turke dhe partnere të tjerë ndërkombëtarë janë në mbështetje”- tha Mesi.