Rrjedhja e votave demokrate pro Rucit, Basha mbledh Grupin dhe Kryesine e partise

Kryetari i Partisë Demokratike, Lulzim Basha ka thërritur një mbledhje urgjente të grupit parlamentar të kësaj force politike në selinë blu.  Burime nga PD thanë se mbledhja do të zhvillohet në orën 12:00 dhe në fokus do të ketë rrjedhjen e votave një ditë më parë në Kuvend gjatë votimit të fshehtë për zgjedhjen e Gramoz Ruçit.
Fillimisht, kryedemokrati ka njoftuar mbledhjen e kryesisë në orën 11:00 ku në thelb pritet të jenë çështje të organizimit të partisë. Ndërsa pas kësaj mbledhje Basha do t’i kërkojë llogari grupit parlamentar për rrjedhjen e votave në Kuvend një ditë më parë.
Sipas rezultatit të votimit, me 80 vota pro Ruçit, të paktën dy deputetë të opozitës kanë votuar për zgjedhjen e tij në krye të Kuvendit.
Ky moment shërbeu për një sërë akuzash të ashpra brenda demokratëve. /report tv/