FOTO – Rrjedha e ujit merr përpara makinën në Malësi të Madhe, babë e bir mbesin në makinë, shpëton vajza

Një tjetër ngjarje e rëndë ka ndodhur si shkak i reshjeve në Malësinë e Madhe.

Në fshatin Ducaj të Malësisë së Madhe, babë, vajzë e bir të cilët po qarkullonin me automjetin e tyre janë rrëmbyer nga rrjedha e ujit.

Paraprakisht drejtuesi i mjetit identifikohet si Pjetër Gjoka rreth 50 vjeç, ndërsa nuk jepet identiteti i fëmijëve me të në mjet.

Nuk dihet ende si është gjendja e tyre, teksa drejt vendngjarjes janë nisur tashmë efektivë dhe mjete të FNSH Shkodër.

NJOFTIMI I POLICISË SË SHKODRËS

Shërbimet e Komisariatit të Policisë Malësisë e Madhe kanë marrë informacion se në vendin e quajtur “Grykë Lugje”, në njësinë administrative Shkrel, Malësi e Madhe, rrjedha e ujit të përroit kishte marrë përpara një automjet me të cilin udhëtonin tre persona, banorë të zonës. (babai, djali dhe vajza).

Në momentin që rrjedha e ujit ka marrë përpara automjetin që drejtohej nga shtetasi P. R., rreth 50 vjeç, vajza ka mundur të dalë dhe është ndihmuar nga një banor i zonës. Vajza ndodhet jashtë rrezikut për jetën, ndërsa babanë e vajzës dhe vëllanë e saj i ka marrë rrjedhja e ujit.

Në vendngjarje ndodhen polumbarët e RENEA-s, grupi i evakuim-shpëtimit, grupi alpin i FNSH Shkodër, emergjencat civile dhe shërbimet e Komisariatit të Policisë Malësi e Madhe, të cilët po punojnë për gjetjen e dy shtetasve (babë e bir).