“Rinia shkodrane, motori i ndryshimit”, Emilia Koliqi shpalos projektin e PD- së për rininë

Shkruan në Facebook Emilia Koliqi, kandidate për deputete e Partisë Demokratike Shkodër: Rinia shkodrane është motori i ndryshimit që kërkojmë të gjithë! Energjia, Vrulli, Mbeshtetja e tyre për Projektin e Ndryshimit të Shqipërisë, janë garancia e Fitores për shkodranët e shqiptarët!Përgjatë 8 viteve të fundit 3 në pesë të rinj kanë qënë pa punë dhe përgjatë pandemisë ka pasur një rritje me 20% të papunësisë te të rinjtë. Po ashtu në tetë vitet e fundit kemi pasur një rritje të ndjeshme të emigracionit të të rinjve.

Aktualisht, 52% e popullsisë shqiptare në moshën 18-40 vjeç (940 mijë banorë) dëshirojnë të largohen, 74% e të rinjve (19-27 vjeç) dëshirojnë të emigrojnë si dhe 94% e të diplomuarve shqiptarë jashtë Shqipërisë nuk duan të kthehen. Kjo për arsye të mungesës së punësimit, për pasigurinë shëndetësore, ushqimore për nivelin e pagave të ulëta si dhe mungesës së promovimit të të rinjve.

Ne angazhohemi t’i kushtojmë një rëndësi të veçantë gjeneratës së re që përbën 24% të popullsisë aktuale. Ne angazhohemi për:

Adresim serioz të problemit të punësimit: Frenim të emigracionit të të rinjve: Subvencion për të gjithë të rinjtë nga zonat e varfra të vendit që do të nisin një sipërmarrje.

Arsimim, mundësi për të gjithë: 5000 bursa sociale dhe përgjysmim i tarifave universtare për të gjithë si dhe mbështetje për të rinjtë nga familje me të ardhura nën 64,000 lekë.

Mbështetje për Inovacionin: Inkubatorë biznesi për të zhvilluar ide novative dhe promovuar sipërmarrjen si dhe punësimi në vendlindje.

Rritje e kohezionit të lëvizshmërisë socio-ekonomike dhe sociale.