Kisha e Shën Palit dhe Kisha Zoja Pajtore kanë ndërmarrë këtë nismë për të mbledhur fonde për restaurimin e Katedrales së Shkodrës. Famullitari i saj, Dom Vlash Palaj, ndodhet në Amerikë për të mbështetur këtë mision dhe për të kërkuar ndihmën e bashkëatdhetarëve dhe miqve tanë.
Katedralia e e Shen Shtjefnit eshte vend deshmie feje dhe e triumfit te se vertetes se besimit. E themeluar në vitin 1858, ajo u shndërrua me forcë në pallat sporti në vitin 1967 gjatë periudhës së komunizmit. Në vitin 1993, pas rikthimit të lirisë fetare, katedralja u kthye sërish në funksionin e saj të shenjtë.
PËR TË DHËNË KONTRIBUTIN TUAJ, PAVARËSISHT SHUMËS QË KENI MUNDËSI, MUND TË KLIKONI KËTË LINK https://www.gofundme.com/f/ndihmoni-ne-restaurimin-e-katedrales-se-shkodres
Në këtë kishë janë shuguruar meshtarët martirë shqiptarë. Ajo është vizituar nga Papa Gjon Pali II dhe nga Nënë Tereza, duke e bërë atë një vend me rëndësi të veçantë shpirtërore dhe kombëtare.
Kohet e erreta dhe vitet e shumta kanë lene shenjat e saj dhe katedralja eshte amortizuar. Gjendja e saj është e rënduar në çdo aspekt: nga struktura e jashtme, çatia dhe dritaret, deri te ambientet e brendshme me sistemin e vjetruar elektrik dhe të fonisë, mungesën e ngrohjes dhe ftohjes, si edhe tavani ornamental dhe shumë elemente të tjera që kërkojnë ndërhyrje urgjente. Ajo ka nevojë për restaurim të menjëhershëm për të ruajtur vlerën e saj historike, shpirtërore dhe kulturore.
Me ndihmën tuaj, mund ta rikthejmë këtë monument të rëndësishëm në dinjitetin që meriton. Çdo kontribut, i madh apo i vogël, është një hap drejt ruajtjes së trashëgimisë sonë për brezat e ardhshëm.
Katedralja nuk ka zë, zëri i saj jeni ju. Le t’ja ndertojme shtepine Zotit dhe njekohesisht te perterijme krenarine, besimin dhe shpresen!
Faleminderit për mbështetjen tuaj!
Zoti jua shpërbleftë me hire dhe bekime!
