Informacion i përditësuar mbi situatën në territorin e Qarkut Shkodër, ora 08:30
Bashkia Shkodër
Si pasojë e reshjeve, është evidentuar shembje e rrugës në aksin Ura e Shtrejtë–Prekal, në vendin e quajtur “Shkallë Logje”. Është vendosur sinjalistikë dhe aksi është bllokuar për të shmangur çdo rrezik. Po punohet për vlerësimin e dëmtimit dhe normalizimin e qarkullimit. Borepastrueset kanë qenë gjatë gjithë natës në punë për mbajtjen e hapur të aksit Qafë Thore–Theth.
Bashkia Malësi e Madhe
Në territorin e kësaj bashkie kanë pushuar reshjet. 3 Borëpastruese ndodhen në aksin Tamarë- Vermosh ku ka vende me ngrica dhe po bëhet kriposja dhe mirëmbajtja për të vijuar qarkullimin.
Bashkia Vau i Dejës
Momentalisht në këtë bashki reshjet e shiut kanë pushuar. Në disa njësi ka patur shkëputje të energjisë elektrike. Grupet e punës janë në terren.
Bashkia Fushë-Arrëz
Vijojnë reshje shiu me intensitet të lartë. Ka rënie gurësh dhe dherash në rrugët rurale, por akset janë të kalueshme dhe qarkullimi kryhet pa probleme.
Bashkia Pukë
Në territorin e bashkisë Pukë vijojnë reshjet e shiut dhe fryn erë e fortë, momentalisht nuk raportohen problematika.
DRUK Lezhë
•Gjatë 24 orëve të fundit janë regjistruar rreth 85 mm reshje shiu.
•Nuk ka probleme në kanalet kulluese, argjinatura, dhe digën e Rezervuarit të Shkodrës.
•Nivelet e lumenjve Buna, Drin, Kir, Gjadër dhe të Rezervuarit të Shkodrës janë nën kuotat e rrezikut për përmbytje.
•Hidrovoret e Velipojës (Vilun dhe Ças) janë në funksion të plotë dhe në gadishmëri për të punuar me kapacitet të plotë nëse nevojitet.
