Sipas raportit të Komisionit të Mbrojtjes Civile, situata e pandemisë në qarkun e Shkodrës, paraqitet si më poshtë:
NJVKSH- ja Shkodër informon se sot janë konfirmuar 16 raste pozitiv Covid-19, raste prej tamponave të marrë me datat 13 dhe 14 qershor 2020, të cilat janë me simptoma të lehta dhe të izoluar në banesa. Sipas NJVKSH- së, rastet jane të reja dhe raste të shpërthimeve komunitare.
Në total në Bashkitë Shkodër dhe Vau-Dejës, vazhdon në 180 numri i pacientëve të infektuar me Covid- 19. Vazhdon hetimi aktiv epidemiologjik dhe marrja e mostrave për rastet e dyshuara nga NJVKSH- ja në Bashkine Shkodër. Sot u moren 31 tamponë u dërguan në ISHP në Tiranë.
NJVKSH- ja Pukë informon se që nga data 1 qershor 2020 deri sot me datë 15 qershor 2020, janë 13 raste pozitiv Covid-19, prej të cilave 1 rast i shfaqur sot. Ndërkohe 2 persona janë në kujdes shendetësor në spitalin Covid-19 në Tiranë, ndërsa 11 prej tyre janë në izolim në kushte shtëpie me simptoma të lehta deri në asimptomatik, ndërkohë sot nuk janë dërguar mostra të tjera në ISHP në Tiranë.
Në Bashkinë Fushë Arrëz që nga fillimi i pandemisë nuk ka patur asnjë rast të infektuar Covid- 19.
Nderkohe nga NJVKSH-ja në Puke dhe Fushë Arrëz në bashkëpunim me strukturat e DVP dhe ISHSH, vijojne kontrollet e subjekteve me grupe pune për konstatimin e respektimit te distancimit dhe zbatimin e rregullave të sigurisë.
Nga NJVKSH- ja Malësi e Madhe, Shërbimi i Epidemiologjisë, nuk ka marrë asnjë tampon. Mjekët e familjes nuk kane raportuar për asnjë rast të ri të dyshuar. Personi i vetem Covid-19, aktualisht qendron në banesë. NJVKSH-ja në bashkëpunim me mjekun e familjes po monitorojne gjendjen shendetësore të tij e cila është e stabilizuar, me shenja të lehta klinike
Të gjithë personat e kontaktit kanë rezultuar negativ, deri në këto momente. Vazhdon puna për hetimin epidemiologjik me qëllim zbulimin e rasteve të tjera të kontaktit.
Nga Spitali Rajonal Shkodër, informohet se 24 orët e fundit janë trajtuar 68 raste nga urgjenca, prej të cilave 5 raste të dyshuar per Covid-19.
Poliklinika e Specialiteteve në Shkoder, vazhdon te funksionoje me masa sigurie dhe duke zbatuar protokollet dhe nuk eshte marre vendim mbyllje per kete ambjent pasi sipas informacioneve nga NJVKSH- ja, rastet e e tjera kane rezultuar negative dhe nuk ka vater infeksioni.
ISSH Shkoder ka hapur ambjentet dhe vazhdon punen duke zbatuar protokollet sigurise pasi sipas informacioneve nga NJVKSH-ja, rastet e e tjera kane rezultuar negative dhe nuk ka vater infeksioni. /ShkodraWeb Media/
