Prof. Dr. Tonin Gjuraj është bërë pjesë e Këshillit të Arsimit të Lartë dhe Kërkimit Shkencor (KALKSH). Rektori i Universitetit “Luigj Gurakuqi” në Shkodër, është emëruar bashkë me 12 personalitete të tjera nga ministrja e Arsimit Ogerta Manastiliu.
Këshilli i Arsimit të Lartë dhe Kërkimit Shkencor (KALKSH) është organ këshillimor për politikat e arsimit të lartë dhe kërkimit shkencor, pranë ministrit përgjegjës për arsimin.
Sipas përcaktimeve ligjore, anëtarët e KALKSH-it janë personalitete të njohura të fushave akademike dhe emërohen nga ministri përgjegjës për arsimin. Organizimi, funksionimi dhe kohëzgjatja e qëndrimit në detyrë përcaktohen me vendim të Këshillit të Ministrave.
