Ditën e shtunë, 18 dhjetor 2021, Kuvendi Kombëtar i thirrur nga delegatët, ka përcaktuar zhvillimin e referendumit të antarësisë për ratifikimin e shkarkimit të Lulzim Bashës si kryetar i PD- së. Organizimin e ka marrë përsipër Komisioni i Rithemelimit të PD- së i përbërë prej 29 antarësh.
Ditën e sotme, janë mësuar detaje lidhur me këtë referendum, i cili sipas Berishës duhet të zhvillohet nga antarësia në selitë vendore të PD- së. Ndërkohë, me një publikim në Facebook, Berisha ka dhënë të tjera detaje.
“Të dashur miq, vendndodhjet e qendrave të votimit, ku do zhvillohet referendumi do bëhen të ditura sipas degëve gjatë ditëve ne vijim!”, shkruan Berisha duke sjellë në vëmendje se akoma nuk janë vendosur se ku do të jenë qendrat e votimit, në selitë e PD- së apo mjedise të tjera.
Ish- kryeministri Berisha i ka bërë thittje kryetarëve të degëve demokrate të hapin selitë, të mos pengojnë antarësinë të votojë për referendumin. Ndërsa me 18 dhjetor 2021 demokratët votojnë në referendum për shkarkimin e Bashës, ky i fundit në Pallatin e Kongreseve ka thirrur një tjetër Kuvend Kombëtar pas atij të 11 dhjetorit.
