FOTO – “Rashë gati 6 kile brenda 21 ditëve…”, ish- deputetja e LSI- së transformim të dukshëm pas betejës me Covid-19

Ish-deputetja e LSI-së, Nora Malaj në një lidhje live me News 24 tregon se është prekur nga COVID 19 dhe se për 3 javë ka luftuar me këtë virus.


Gjatë lidhjes shihet ndryshimi drastik që ajo ka pësuar në pamje. Malaj pranoi se përvec problemeve shëndetësore ka rënë edhe 6 kg në 21 ditët e betejës me COVID 19. Politikania e njohur u shpreh se fillimisht mendonte që ishte prekur nga gripi, por skaneri ka treguar që po kalonte virusin.

“Kam kaluar tre javë jo të lehta…Se dija që ishte covid, mendova që ishte ftohje. E ndjeva veten të dobët, kisha temperaturë dhe kollë. Bisedova pastaj me mjekun Pipero, u alarmua edhe ai për shkak të diabetit që e kam pak të agravuar. Bëra disa analiza, u konstatua që ishte korona. Skaneri e përcaktoi përfundimisht se kisha arritur kulminacionin në ditën e 5-të”,- tregoi Malaj.

Ish-deputetja tha po ashtu se nga COVID 19 u prek edhe bashkëshorti.

“E mori edhe im shoq nga unë. Ai e pati në dozë më të lehtë, unë e kisha më të vështirë se më rritej edhe diabeti. Djersinim pafund të dy. Kam marrë hollues gjàku për ta përballuar, më ka lënë disa probleme edhe tek sytë, por edhe në rrugët urinare. Rashë gati 6 kg brenda 21 ditëve”,- tregoi ajo ndër të tjera. /BW/

Mbështet ShkodraWeb Media

© ShkodraWeb Media - Të gjitha materialet në këtë faqe mund të përdoren nga media të tjera, duke përmendur emrin e burimit të informacionit nga janë marrë.

ShkodraWeb Channel