Rama tallet me Shkodren, poston disa foto dhe shkruan: Shteti ne krye te detyres…

Prej disa ditësh Shkodra ndodhet nën ujë e ndërsa nga Bashkia kanë ardhur akuza për mosgatishmëri nga ana e qeverisë për të përballuar situatën.

Kryetarja e kësaj bashkie deklaroi një ditë më parë se të paktën 5 mijë hektarë janë të përmbytura e ndërsa kërkoi shpalljen e emergjencës së pjesshme, por që sipas saj nuk është pranuar nga organet kompetente nën drejtimin e qeverisë.

Këtyre akuzave iu është përgjigjur sot kryeministri Ramai cili nëpërmjet një postimi në facebook ka shpërndarë disa foto nga Shkodra.

Në rrjetin social, Rama ka publikuar pamje nga operacioni i Forcave të Armatosura të cilat janë të angazhuara në evakuimin e banorëve të izoluar nga uji se dhe duke ndihmuar në normalizimin e situatës.

Rama përkrah fotove shkruan: “Shkodër – (përtej llafeve e shpifjeve) SHTETI NË KRYE TË DETYRËS”.

Te gjithe i kujtojne nderkohe permbytjet e fundvitit 2017 ne Jug te vendit. Po ashtu, te gjithe mbajne mend edhe mobilizimin e te gjithe qeverise dhe vete kryeministrit Edi Rama qe u spostuan totalisht ne Jug te vendit per shume dite. Per Shkodren, trajtimi eshte krejt ndryshe. Edhe ata pak ministra qe vijne, qendrojne 2-3 ore, me shume takojne administraten ne varesi te qeverise, dalin ne media dhe largohen. Ndersa per vete kryeministrin Rama, as qe behet fjale te ngjitet ne Shkoder, por mjaftohet vetem me nje rresht dhe disa foto ne FB.

(Edi Rama gjate inspektimeve te permbytjeve ne jug te vendit)

Krenohet per shtetin ne krye te detyres, por edhe djelmoshat e ushtrise jane ne Repartit Ushtarak te Vau- Dejesit ne Shkoder si dhe FNSH. Qe ta shohim kembekryq ne Shkoder Ramen, duhet te presim ndonje perurim ose fushaten e zgjedhjeve te vitit qe vjen. Pastaj eshe habitet perse Shkodra nuk e voton PS-ne. Edhe pse ne fakt, edhe zgjedhjet e fundit mori 4 deputete. Por mesa duket per Bashkine e Shkodres, PS e Rama nuk jane akoma gati per ta kerkuar. As ne 2019-en!