“Qeveria vjedhje jashtë çdo imagjinate”, Meta prezanton nismën ligjore në Kuvend: Për indeksimin e pagave…

Kreu i Partise se Lirise, Ilir Meta ne konference per mediat, ka prezantuar iniciativen e pare ligjore qe do ndermarre ne shtator ne Kuvend per te garantuar indeksimin e pagave.

“Jemi këtu për të theksuar pasojat katastrofike të korrupsionit, vjedhjes jashtë cdo imagjinate të qeverisë të hajdutokratit Rama të cilën e ndjen shumica e familjeve shqiptare sot për shkak të polarizimit të tmerrshëm që ai ka krijuara gjatë 10 viteve qeverisje të tij.

Mbi 67% e popullsisë, pra 2/3 sot në vend jeton në më pak ose në kufirin e varfërisë, pra me 5.5 dollarë në ditë.

76% e punonjësve jetojnë gjithashtu duke llogaritur dhe fëmijët me më pak ose në kufirin e varfërisë.

Që nga 2017, ky shpirtzi nuk ka indeksuar pagat që e ka pasur detyrim ligjor dhe kushtetues dhe për këtë do ndërmarrin menjëherë në fillim të sesionit të ri në Kuvend iniciativën për të garantuar indeksimin e menjëhershëm të tyre dhe nëse nuk do miratohet, që është shumë e mundur padyshim do e çojmë në Gjykatë Kushtetuese dhe më pas do ndjekim dhe gjykatat evropianë, ky është sadizëm”, tha Meta.