Qeveria miratori hartën e re gjyqësore, Dhoma e Avokatisë ndërpret bojkotin, ja hapi i radhës kundër ndryshimeve

Dhoma e Avokatisë në vendin tonë ka marrë vendimin për të rinisur seancat gjyqësore pas disa javësh bojkot për shkak të hartës së re gjyqësore.

Vendimi është marrë në mbledhjen e sotme të thirrur pas miratimit të hartës në mbledhjen e këshillit të ministrave.

Kreu i Dhomës së Avokatëve Maks Haxhia paralajmëroi se hapi i radhës për të kundërshtuar këtë vendim do të jetë Gjykata Kushtetuese.

Ministri Ulsi Manja bëri të ditur se harta e re e projektuar nga KLGJ do të nisë të vihet në zbatim në muajin shkurt të vitit të ardhshëm.