Qeveria ka miratuar rehabilitimin e qendrës historike dhe zonën e mbrojtur të qytetit të Shkodrës. Lajmin e ka dhënë prefektja e Qarkut Shkodër Majlinda Angoni, në një postim në Facebook, ku ka publikuar edhe vendimin përkatës të qeverisë. Këtë iniciativë të qeverisë, Angoni e konsideron si mundësi për turizëm kulturor.
PUBLIKIMI I MAJLINDA ANGONI
Shkodër, rikualifikimi i qendrës historike; mundësi për turizēm kulturor.
Më në fund një lajm shpresëdhënës për Shkodrën! Qeveria Shqiptare miraton rehabilitimin e Qendrës Historike dhe zonën e mbrojtur të qytetit të Shkodrës.
Qendrës historike të qytetit, gjenezës sē qytetarisë dhe kulturës mbarë kombëtare ku bashkëjetojnë harmonishëm vlerat historike, njerëzore e arkitektonike do t’i kthehehet identiteti i munguar.
Plani për ruajtjen, mbrojtjen dhe administrimin e Qendrës Historike dhe zonës mbrojtëse #Shkoder do të ndihmojë në ruajtjen e vlerave historike si një shtysë për zhvillimin e turizmit kulturor.
Kjo nuk është vetëm detyrë e institucioneve të qeverisjes qendrore dhe asaj vendore por një detyrë qytetare e të gjithëve ne sëbashku që të kthejmë vemendjen nga rrënjët e tua përcjellim brezave si një fill historik që lidh të shkuarën me të ardhmen.
Të nderuar lexues dhe vizitorë të portalit tonë! Reklamat që shfaqen, mundësojnë që ShkodraWeb të vazhdojë të jetë e lirë dhe e pandikuar në përcjelljen e të vertetës. Faleminderit nëse i klikoni!
