Kryetarja e Lëvizjes Socialiste për Integrim Monika Kryemadhi ka reaguar përsëri për grabitjen e 10- 12 milion euro në pistën e aeroportit të Rinasit dy ditë më pare. Në një deklaratë publike Kryemadhi është shprehur se shteti ka rënë dhe se qeveria është bërë palë me krmin.
Referuar grabitjes së miliona eurove në Rinas, Monika Kryemadhi tha se është cënuar siguria kombëtare dhe se qytetarët nuk janë më të sigurtë.
Ajo është shprehur se qeveria po i shmanget përgjegjësive të saj, ndërsa ka bërë thirrje edhe një herë për bashkim popullor në protestat që do të mbahen nga opozita e bashkuar, e ajo e radhës, që do të jetë në orën 18:00 të ditës së shtunë.
