Shkruan në Facebook deputetja e Qarkut Shkodër Emilia Koliqi: A kanë dalë të dhënat sensitive të shqiptarëve nga marrëveshja e nënshkruar “Ballkani i hapur”? Organet ligjzbatuese, duhet të hetojnë edhe këtë pistë të mundshme!
Gazeta prestixhioze italiane “La Repubblica”, e datës 24 dhjetor 2021, dy ditë pas nënshkrimit të marrëveshjes që quhet Ballkani i Hapur (Open Balkans), i ka bërë një skaner kësaj marrëveshjeje mes Shqipërisë, Serbisë dhe Maqedonisë së Veriut. Ajo që konstatohet nga kjo analizë, janë reminishencat me ish- Jugosllavinë e Titos.
“Është diçka që paradoksalisht sjell në kujtesë realitetin e largët të tregut të përbashkët të Jugosllavisë së Titos, e cila me forcën e interesave ekonomike dhe mungesën e doganave mbajti të bashkuar për dekada shtetin shumëkombësh, i shkatërruar më pas me vdekjen e Mareshalit nga zhvillime autoritare luftrash e genocidi të të fortit të Beogradit, Sllobodan Millosheviç, i përmbysur më pas nga ndërhyrja ushtarake e NATO- s.”, thuhet në komentin e “La Repubblica”, në versionin online.
Por më shqetësuese është një detaj tjetër që zbulon gazeta italiane:
Një sistem elektronik i unifikuar për të tre shtetet, do t’i mundësojë të gjithëve akses të menjëhershëm në sherbimet online të secilit shtet”.
Pra, të gjitha të dhënat e shtetasve të Republikës së Shqipërisë, do të jenë të aksesueshme pa asnjë kufizim nga dy vendet e tjera, Maqedonia e Veriut dhe Serbia.
Me të drejtë shqiptarët mund të pyesin, a ka lidhje skandali i daljes së të dhënave të shqiptarëve me këtë marrëveshje? Të dhënat e shqiptarëve do t’i dhurohen gratis Vuçiçit?
Më poshtë, linku i artikullit të plotë të gazetës prestixhioze “La Repubblica” në versionin online.
