” Pse shpif zëdhënësi i Stanishiçit…!”, zëdhënësi i presidentit Meta i përgjigjet Baton Haxhiut…

Zëdhënësi i Presidentit Ilir Meta, Tedi Blushi, i përgjigjet akuzave të këshilltarit të Edi Ramës, Baton Haxhiu në lidhje me Kosovën. Sipas Blushit këto deklarata kërkojnë të damkosin shqiptarët si faktor destabiliteti.

‘Shpifjet e zëdhënësit të Stanishiçit sot kundër Presidentit Meta si shkaktar i pengimit të bashkimit të Kosovës me Shqipërinë dhe nxitës i krizës së brendshme në Shqipëri janë të qëllimshme e të pashpresa për ata që duan të kthejnë rajonin tonë në kohët e errëta të ur.rejtjes ndëretnike dhe duke damkosur shqiptarët si faktor krize e de.stabiliteti.

Qëndrimet e Presidentit Meta kanë qenë të qarta në interes të stabilitetit rajonal dhe interesit kombëtar të shqiptarëve’, shkruan Tedi Blushi.

Çfarë tha Baton Haxhiu në Opinion:

Ilir Meta dhe Berisha naracionin kundër kryeministrit e kanë lidhur me ndryshimin e kufijve të Kosovës. Kjo klimë politike është produkt i dy njerëzve, Sali Berishës dhe Ilir Metës. Këta kanë frikë se bashkimi i Kosovës me Shqipërinë do faktorizojë Ramën ndaj për këtë arsye shkaktuan krizën e brendshme.