Report Tv ka zbardhur detaje të reja nga protesta e opozitës, që do të zhvillohet ditën e shtunë më 26 maj në orën 11:00. Report Tv mëson se sot Partia Demokratike ka dorëzuar kërkesën në polici për marrjen e lejes.
Kjo protestë fsheh pas shumë mister, pasi në kërkesën drejtuar policisë PD ka zbuluar vetëm orën e nisjes së aksionit, 11:00. Burime nga policia theksojnë për Report Tv demokratët nuk kanë përcaktuar kohën kur do të mbyllet protesta.
Të njëjtat burime bëjnë me dije se opozita kërkon që aksioni i kësaj të shtune, që do të nisë te bulevardi “Dëshmorët e Kombit” në kryeqytet, të jetë pa limit kohor.
