Kryeprokurorja e përkohshme Arta Marku vijon rokadën në Prokurorinë e Përgjithshme. Report Tv mëson se Arta Marku ka firmosur një urdhër për të ndërprerë të gjitha komandimet e prokurorëve në Tiranë dhe në rrethe. Brenda muajit janar parashikohet që komandimet e prokurorëve të ndërpriten të gjitha, pasi sipas vlerësimit paraprak kanë shkelur afatet duke kaluar periudhën 4 mujore.
Ndërsa burime nga organi i akuzës pohojnë se urdhri prek rreth 30 prokurorë, deri tani Arta Marku ka ndërprerë komandimet për 6 drejtues. Në ditët në vazhdim pritet që të ndërpritet komandimi për 24 drejtuesit e tjerë, përfshirë drejtues dhe prokurorë, të cilët do të rikthehen në postet e tyre ku kanë emërimet nga Këshilli i Prokurorisë.
Kryeprokurorja pak ditë më parë firmosi lirimin e drejtuesve të Elbasanit, Kukësit, Fierit, Tiranës dhe dy prokurorëve pranë Prokurorisë së Përgjithshme. Ky vendim i Markut vjen 24 orë pas dy vendimeve të saj të rëndësishme për ngritjen e drejtorisë së inspektimit dhe atë të drejtorisë hetimore për seksionin e të miturve.
Komandimet e ndërprera
Petrit Fusha Tiranë
Dritan Gina Elbasan
Prokuroria Fier
Prokuroria Kukës
Dy prokurorë në Prokurorinë e Përgjithshme
Të nderuar lexues dhe vizitorë të portalit tonë! Reklamat që shfaqen, mundësojnë që ShkodraWeb të vazhdojë të jetë e lirë dhe e pandikuar në përcjelljen e të vertetës. Faleminderit nëse i klikoni!
