Nëse do të ishte në krye të Bashkisë Vau- Dejës, Zef Hila me shumë mundësi nuk do të pranonte të bëhej pjesë e listës së kandidatëve për deputetë të Partisë Demokratike. Lidhja e tij me këtë zonë, duke nisur me Barbullushin, Bushatin si komuna e mës pas Vau- Dejësin si Bashki, është e veçantë, ndoshta unikale në të gjithë vendin.
Ata që e njohin, kanë punuar apo bashkëpunuar me të, e njohin këtë cilësi të veçantë të tij. Duke nisur nga njësia e parë administrative që drejtoi e deri tek viti 2019 kur iku nga karrigia e kryebashkiakut të Vau- Dejësit pa u bërë pjesë e garës elektorale, celulari i tij nuk është fikur asnjëherë. Gjithmonë ka qenë në sherbim të banorëve, për probleme nga më të voglat si mungesa e dritave e deri tek emergjencat shendetësore.
Ajo çfarë e karekterizon, është aftësia komunikuese përmes thjeshtësisë. Komuna e Bushatit, të cilën ai e drejtoi për gati 20 vite, ishte derë e hapur gjithmonë për banorët dhe deri tek zyra e kryetarit. Bushatin e transformoi sa që ishte vështirë të gjeje një rrugë të paasfaltuar, edhe pse sipërfaqja ishte mjaft e madhe. Madje, në jo pak raste, preferonte që bashkë me gazetarët, ti tregonte punët, duke i kërkuar edhe vërejtje.
Zef Hila ndoshta do të hyjë në histori si politikani që nuk humbi asnjë betejë. Pavarësisht kundërshtarëve që kishte përballë, të fuqishëm, të pasur, me reputacion, me mbështetje shumëplanëshe, me mandat deputeti ose jo në xhep, Hila çdo herë ka dalë fitues. Për këtë arsye, ai ishte nga fillimvitet ’90 dhe deri në vitin 2019, kryetar i komunës apo bashkisë, gjithmonë i zgjedhur. I aftë të bindë njerëzit, ti tërheqë pas vetes dhe projektit të tij si me magnet, të fitojë aleatë edhe aty ku duket e pamundur, ishin cilësitë e evidentuara në postin e drejtuesit të komunë/bashkisë. Pa frikë, mund të konsiderohet Dekani i qeverisjes vendore në Shqipëri.
Vendosja e Zef Hilës në listën e kandidatëve për deputetë, është një garanci më shumë për PD- në për sigurimin e mbështetjes përmes votës në Vau- Dejës. Nuk është aspak çudi që Hila të marrë edhe shumë vota parapëlqyese, siç e parashikon Kodi Zgjedhor dhe të ngjitet më lart në listën paraprake të PD- së. /ShkodraWeb Media/
Për bashkëpunime, publikime reklamash, njoftimesh në ShkodraWeb, mund të shkruani në SMS, Whatsapp, Viber +355 67 300 20 70 ose mail: info@shkodraweb.com në çdo kohë!
