Kandidimi i Shkelqim Sterkaj për deputet, nuk mund të ishte dhe nuk është surprizë. Përveç kontributit si drejtues i drejtorive rajonale në Qarkun e Shkodrës, ai është përfaqësues i një prej familjeve apo edhe fiseve më të njohura, më me ndikim dhe me kontribute në Malësinë e Madhe, para dhe pas vitit 1990. Ata janë ndër të parët që i bashkuan ndryshimeve demokratike, duke dhënë një kontirbut të qenësishëm në zonën ku jetonin.
Por vetëm kaq, mbase mund të konsiderohej e pamjaftueshme. Vetë Shkelqimi, por edhe pjestarë të tjerë të kësaj familje që ndërtuan suksesin edhe në fusha të tjera siç është biznesi, nuk u shkëputën asnjë moment nga Malësia e Madhe dhe malësorët. Ata ishin dhe janë përherë një “derë e hapur”, një mbështetje e rëndësishme, brenda dhe jashtë Shqipërisë, për këdo që ka nevojë.
Kjo për arsye të thjeshtë: përpara logos së partisë por edhe përpara pozicionit që kanë patur, kanë vendosur njeriun e sidomos, bashkëmalësorët e tyre. Pikërisht kjo mbase ka qenë edhe nxitja kryesore që Shkelqim Sterkaj, si përfaqësues i këtij fisi, të dalë para banorëve të Malësisë së Madhe për tu kërkuar votën, për të qenë zëri i tyre në Kuvendin që do të dalë pas zgjedhjeve të 11 maj 2025. Ata që e njohin, e dinë se Shkelqimi më shumë se i fjalës, ësht i punës dhe përkushtimit.
Këto javë të kësaj fushate, kanë dhënë mundësinë që malësorët të takohen nga afër, të bashkëbisedojnë, të bëjnë edhe bilancin e asaj që është arritur në 10 vitet e fundit, kur drejtimin e Bashkisë Malësi e Madhe, e ka forca politike për të cilën Shkelqim Sterkaj kandidon. Natyrisht, një bonus shumë i rëndësishëm ky, i personifikuar edhe në personin e Tonin Marinaj, i cili është vazhdimisht në mbështetje të të gjithë kandidatëve të Malësisë së Madhe.
Fushata e Shkelqim Sterkaj përqendrohet në rrënjët e tij dhe të farefisit, Malësinë e Madhe. Aty është burimi i forcës, i motivimit të përditshëm. Por sigurisht, Shkelqimi po mbështetet në këtë sipërmarrje edhe në Shkodër, Vau Dejës, Pukë e Fushë Arrëz, si përfaqësues i një familje të madhe e të njohur, me rreth miqësor, shoqëror e vlerash, në mbarë Shqipërinë. Mos harroni edhe Diasporën, mbështetja për Shkelqimin do të jetë mbase surpriza e këtyre zgjedhjeve në Qarkun e Shkodrës. /ShkodraWeb/
