“Procedimi disiplinor për thyerje të urdhërit të Dhomës së Avokatisë”, ndërsa vijon bojkoti në Shkodër, e pëson një avokate…

Bojkoti i senacave gjyqësore nga avokatët e Shkodrës po vijon edhe ditën e sotme

Avokati Anton Kosteri kryetar i Dhomës Vendore të Avokatisë Shkodër ka deklaruar sot para gazetarëve se një avokate e re që ka marrë pjesë dje në një senacë gjyqësore do të procedohet për thyerje të urdhërit për bojkot.


“Një avokate e re ka marrë pjesë dje në një seancë për vlerësim mase sigurie. Ndaj saj do të nisë procedimi disiplinor për thyerje të urdhërit të Dhomës së Avokatisë. Masat e tjera nuk janë zhvilluar dhe për pasojë janë shtyrë,” tha ai.

Ai shprehet se avokatët e Shkodrës janë të vendosur të mos tërhiqen, edhe pse bojkoti është një masë ekstreme, por që vjen për shkak të mos vëmendjes së qeverisë për të reaguar.

Sipas tij rrezik mbeten seancat për personat me rrezikshmëri të lartë që do të beten pezull.

“Rreziku është që mund të arrestohen persona me rrezikshmëri të lartë shoqërore dhe nga mosparaqitja avokatit, trupa gjykuese është e detyruar të shuajë masën e sigurisë,” tha ai.