“Problem është mungesa e energjisë elektrike”, moti me reshje dhe erë, Benet Beci: Ka pasur dëmtim të linjave…

Shkruan në Facebook kryetari i Bashkisë Shkodër, Benet Beci: Gjatë gjithë ditës së sotme kryesisht në orët e pasdites territori i bashkisë Shkodër është përfshirë nga mot me reshje intensive dhe erëra të forta.

Grupet e emergjencave të bashkisë Shkodër dhe ndërmarrjet e varësisë kanë monitoruar situatën ku fatmirësisht nuk janë evidentuar probleme në rrugët e qytetit dhe në njësitë administrative.

Problem për pjesën më të madhe të Njësive Administrative është mungesa e energjisë elektrike.

Sipas kontakteve me drejtues të OSHEE, ka pasur dëmtim të linjave si pasojë e motit të keq. Grupet e OSHEE janë në terren dhe po punojnë për rikthimin sa më parë të energjisë elektrike për banorët e bashkisë Shkodër.