Pritej por edhe ndodhi: Gjykata rrëzon kërkesën e LSI-së për gjykimin e kryeministrit Rama për “policët në fushatë”

Gjykata e Beratit ka rrezuar padinë e ngritur nga LSI, kundër kryeministrit Edi Rama. Rama vitin e kaluar në fushatën zgjedhore kërkoi për angazhimin e efektivëve të Policisë së Shtetit në fushatën e PS, jashtë orarit të punës.

Për LSI kjo ishte një thirrje antikushtetuese dhe paditën kreun e qeverisë në Gjykatë. Por Gjykata e Beratit ka rrëzuar LSI-në ditën e sotme.

Më herët ka qenë Prokuroria e Tiranës që nuk ka pranuar kërkesën e LSI-së. Kjo çështje u ankimua nga LSI në Gjykatën e Beratit dhe është kjo Gjykatë e cila rrëzon padinë, duke mos gjetur shkelje ndaj kryeministrit Edi Rama.