Gazetari i njohur investigativ Artan Hoxha ka reaguar pas ngjarjes që tronditi Shkodrën mëngjesin e sotëm. Me një postim në Facebook Hoxha ka thënë se ngjarja e sotme ishte e paralajmëruar, pas zinxhirit të atyre që e pasuan në këto 8 muajt e fundit. Ai shkon edhe më tej në arsyetimin e tij, duke thënë se të gjithë në Shkodër e dinë kush janë autorët, ndërsa ka një mesazh edhe për zinxhirin komandues të policisë në Shkodër, të cilin e fton të japë dorëheqjen. Më poshtë, shënimi i plotë në Facebook i Artan Hoxhëes.
Kambanat rane per ata, që nuk kanë, vesh!!!!
Ekzekutohen, vëllezerit Ibrahim dhe Astrit Bilali. Viktimat, numer 10 dhe 11 të një seriali vrasjesh, që nisi vetem 8 muaj me pare, me 15 korrik 2018, kur para pallatit ku banonin u ekzekutuan ish-polici Boran Bercana dhe bashkejetuesja e tij, Silvi Ndoci që mbante në prehër foshnjen e saj.
Kambanat e alarmit ranë, per ata që nuk kanë vesh dhe kur s’ke vesh, bilanci dihet…
Kjo e sotmja, eshte thjeshte kronika e nje vrasjeje të paralajmeruar…
Policia e Shkodres, e cila është kthyer ne ndërmarrje funerale, pasi vetëm mbledh kufoma rrugëve te qytetit, deklaron se autoret janë të panjohur dhe kanë ikur në drejtim të paditur…
Vetem 8 muaj, 11 viktima, asnjë vrasje e zbuluar, asnjë emër autori, asnje vrasës në burg.
?Për zinxhirin komandues te policisë së Shkodres!!?
—Nëse nuk kujtohet kush t’u largojë nga detyra, behuni burra jepni doreheqjen!!!
Se më keq se kaq, nuk ka ku shkon.
Në të vërtetë, gjithe Shkodra e di, kush jane vrasësit dhe ne çfarë drejtimi kanë ikur, madje dhe në cilën shtepi janë,duke ndjekur lajmet,mbi vrasjen, në tv.
