EMRI – Princ Leka dhe Zaharia bëhen prindër, familja mbretërore shtohet me një vajzë…

Disa kohë më parë në media qarkulloi lajmi se Princ Leka dhe Princeshë Elia Zaharia do të bëheshin prindër për herë të parë.


Fotot e Elias me barkun e rrumbullakosur duke ecur në rrugët e Tiranës, janë publikuar në media, duke konfirmuar kështu zërat e qarkulluar prej disa kohësh mbi shtatzëninë e Elia Zaharisë.

Pritjes së ëmbël i ka ardhur fundit dhe burime për “Who” tregojnë se çifti i njohur janë bërë prindër të një vajze.

Emri i vogëlushes është Geraldinë, duke trashëguar emrin e mbretëreshës shqiptare, ndërsa gjendja shëndetësore e saj dhe e Princeshë Elias është mjaft e mirë.

Kujtojmë se në tetor të 2016-ës, Elia Zaharia celebroi dashurinë me princin Leka me një dasmë, që bëri shumë bujë, pasi në Tiranë zbarkuan familje të famshme mbretërore nga e gjithë bota.

Mbështet ShkodraWeb Media

Njoftim Zyrtar

Familja Mbretërore Shqiptare është e lumtur të bashkëndajë lajmin e lindjes së Lartësisë së Saj Mbretërore Princeshës Geraldinë që u erdhi në jetë Lartësive të Tyre Mbretërore Princit Leka të Shqiptarëve dhe Princeshës Elia, ditën e enjte, 22 tetor 2020, ora 09:30.

Princesha Elia lindi pa vështirësi në spitalin obstetrik-gjinekologjik “Mbretëresha Geraldinë” në Tiranë.

Si nëna ashtu edhe bebi gëzojnë shëndet të plotë, falë edhe kujdesit të lavdërueshëm të personelit mjeksor.

ShkodraWeb Channel