Pas përfundimit të votimit për “primaret” për Bashkinë Shkodër, ka nisur dhe po vijon numërimi i votave. Nga burime brenda qendrës ku po numërohet, konfirmohet trendi i qartë i fitores së kandidatit Bardh Spahia në kutinë e parë, atë të Berdicës me 324 vota dhe në atë të Rrethinave ku kishte 421 vota.
Pas tij renditet ish- kryetari i PD- së Shkodër Astrit Bushati. Është numëruar edhe kutia e Rrethinave ku ka 421 vota dhe mbetet të numërohet Shkodër qytet me rreth 750 vota. Votat e Berdicës janë si më poshtë:
Bardh Spahia 229 vota
Astrit Bushati 42 vota
Irena Shestani 36 vota
Irma Kopliku 7 vota
Numërimi i votane të Rrethinave:
Bardh Spahia 301 vota
Astrit Bushati 33 vota
Irena Shestani 79 vota
Irma Kopliku 6 vota
E pavlefshme 1 votë
Në total pritet që numri i votave pritet të jetë rreth 1500, ndërsa në referendum për shkarkimin e Bashës me 18 dhjetor ishin rreth 2800.
Kjo ulje është bërë pasi sot janë lejuar të votojnë vetëm ata anëtarë që kanë paraqitur vetëm kartën e antarësisë së PD- së.
Deri në këto momente, është e dukshme epërsia e tij ndak kandidatëve të tjerë. Megjithatë, duhet të pritet shpallja zyrtare e rezultatit nga komisioni që po administron procesin.
Numërimi po bëhet në prani të mediave, të kandidatëve apo përfaqëseuesve të tyre si dhe të personave të tjerë që kanë interes.