Data 4 dhjetor shënon zhvillimin e primareve për kandidatët e PD- së për bashkitë me 14 maj 2023, për zgjedhjet vendore. Kanë mbetur pak orë nga nisja e votimit dhe tashmë, kandidatët e primareve kanë nisur të fusin në “lojë” edhe call center.
Një nga kandidatët e primareve për Kamzën, emrin e të cilit nuk e publikojmë për të ruajtur privatësinë, ka nisur të telefonojë ata që janë në listat e votuesve, qofshin anëtarë apo simpatizantë.
Një zë vajze nga ana tjetër e celularit, në një thirrje që ka përfunduar edhe në numrin e ShkodraWeb, kërkonte haptas mbështetje/votën për këtë kandidat të primareve.
“Përsheëndetje, ju telefonoj në emër të kandidatit…për primaret e PD- së për bashkinë Kamëz. Kërkojmë votën tuaj në votimin e datës 4 dhjetor në bashkinë Kamëz”, ishte mesazhi.
Pasi i sqaruam se jo vetëm nuk jemi në listën e votuesve për primaret, por jemi në Shkodër, i njëjti zë kërkoi falje, duke cituar emrin e një personi që rezultonte me numrin tonë së votues. Po ashtu, vajza shtoi se mund ti kemi ngatërruar ndonjë numër.
Me gjasë, jo vetëm në Kamëz por kudo aty ku votohet, është e njëjta situatë. Konstatohet se database e siguruar për këtë proces përmes call center, mesa duket nuk është shumë e saktë. Po ashtu, kandidatët në primare, po përdorin çdo mënyrë për të garantuar votën në këtë proces.
Të nderuar lexues dhe vizitorë të portalit tonë! Reklamat që shfaqen, mundësojnë që ShkodraWeb të vazhdojë të jetë e lirë dhe e pandikuar në përcjelljen e të vertetës. Faleminderit nëse i klikoni!
