Pavarësisht zhgënjimit që i solli humbja e fundit me Teutën, kryebashkiakja e Shkodrës Voltana Ademi duket e vendosur për t’i qëndruar pranë ekipit duke i dhënë garanci financiare. Në prononcimin e saj në emisionin “Tonight”, ajo ka folur edhe për çështjen e borxheve të trashëguara dhe për më mënyrën do të paguhen ato. Ja si është shprehur:
“Kemi shkuar drejt një situate të përmirësuar sa i takon menaxhimit. Ne kemi trashëguar një situatë shumë të rëndë, e kam fjalën për menaxhimin financiar dhe kontrollin apo dhe menaxhimin e parave me efektivitet. Kemi bërë disa hapa përpara dhe po ashtu, mendoj se kemi ende shumë për të bërë. Kjo për shembull konsiston për mënyrën si ne i shpenzojmë paratë për transport sepse ka një reduktim, ka një ulje të shpenzimeve apo dhe të shërbimeve të tjera, të fjetjes, akomodimit etj. Nga ana tjetër, këtë vit, në sajë edhe të një vullneti pozitiv për të rikthyer shkodranët në ekip teksa ka më shumë sesa çdo vit tjetër. Unë jam optimiste, pavarësisht rezultatit negativ të ndeshjes së fundit. Mendoj se duhet të merret më me seriozitet trajnimi, përgatitja sportive, e tha edhe trajneri në fakt dhe në fakt veprimi në grup. Kemi një kampionat shumë të vështirë, nuk do të mungojë mbështetja financiare, nuk mungon mbështetja e sportdashësve, nuk mungon mbështetja nga unë personalisht por edhe nga ata që e duan me shpirt Vllazninë. Por sigurisht që klubi nuk është pa probleme. Kemi trashëguar shumë borxhe dhe vazhdojmë të likujdojmë shumë borxhe apo debi që klubi ka përkundrejt palëve të treta apo agjesive shtetërore siç janë tatimet me të cilët besoj se do të kemi një marrëveshje të re për kthimin e detyrimeve”.
FACT CHECK: ShkodraWeb synon t'ju informojë në mënyrë të drejtë dhe të saktë. Nëse ju konstatoni se ka ndonjë pasaktësi të mundshme, jeni të lutur të na e raportoni këtu
