“Premtoj të zëri i të gjithë shkodranëve”, Arben Maliqi kandidat në “primare” kërkon mbështetje për Bashkinë Shkodër

Shkruan në Facebook Arben Maliqi, një nga 6 kandidatet për “primaret” për Bashkinë e Shkodrës: Pershendetje miq! Ju njoftoj se kandidatura ime eshte zyrtarizuar per zgjedhjet Primare neser brenda familjes PD. Falenderoj strukturat ne baze e ne Qender per besimin ndaj personit tim.

Ne keto Primare une perfaqesoj shtresen me te vuajtur e te persekutuar te qytetit, si ish-i burgosur politik per tentative arratisje (1988-90). Jam krenar qe kam qene nje nder themeluesit e PD per Degen Shkoder ne 1990, si edhe organizator e pjesemarres ne Demonstraten e 13 Dhjetorit ’90 (ku jam arrestuar per here te dyte),si edhe ne Demonstraten 2-Prillit’91.


Nga ana profesionale kam punuar gjithmone ne sektorin privat, si menaxher e drejtues, qe nga ‘2001 jam Drejtor i nje Kompanie Sigurimi ne Shkoder. Per periudhen 2020-21 kam dhene kontributin tim prane KF Vllaznia, si Drejtor i Akademise Vllaznia.

E kam reformuar kete Akademi si nga ana profesionale por edhe financiare, duke arritur qe kjo Akademi te funksionoje me vetefinancim, pa shpenzuar asnje leke nga taksat e qytetareve.

Nga aktiviteti privat te cilin perfaqesoj ne Shkoder kam siguruar shpesh mbeshtetje me sponsorizime per artin dhe sportin ne Shkoder.

Mendoj se per menaxhimin e qytetit duhet ti japim prioritet kushteve te arsimimit te brezit te ri, punesimit qe njerezit te mos largohen ne emigracion, si edhe turizmit si aseti me i favorshem per begatine e qytetit. I uroj suksese edhe kandidateve te tjere, ne kete gare demokratike te ngjashme me Konventat e partive amerikane,pasi secili prej tyre eshte perzgjedhur nga nje nr.i madh kandidaturash, dhe kjo perben nje vlere te shtuar per veten e tyre dhe per PD.

Duke ju ftuar te votoni, premtoj te jem zeri i te gjithe shkodraneve ne cdo Institucion te se nesermes, per nje qytet te se ardhmes.