Drejtoria e Policisë Shkodër në bashkëpunim me Bashkinë Shkodër zhvilluan një takim sensibilizues për parandalimin e kultivimit të lëndëve narkotike. Takimi u zhvillua në Bibliotekën e Universitetit “Luigj Gurakuqi”, ndërsa të pranishëm ishin kryetarja Voltana Ademi, administratorët e njësive administrative të Bashkisë Shkodër, si dhe drejtori i përgjithshëm i Drejtorisë së Policisë Shkodër, Vehbi Bushati.
Drejtori i përgjithshëm i Policisë Shkodër u shpreh se “Qëllimi kryesor është heqja njëherë e mirë e Qarkut Shkodër nga harta e kultivimit të kanabisit”. Qarku i Shkodrës, veçanërisht zona e Dukagjinit ka qenë në hartën e kultivimit të kanabisit nga trafikantët, ndërsa këtë vit, sipas institucioneve ligjzbatuese objektiv është që të parandalohet plotësisht.
