Prefektja e Qarkut Shkodër, Majlinda Angoni organizoi një tryezë teknike në nivel ekspertësh me pjesëmarrjen e Drejtoreshës së Përgjithshme të Agjencisë së Menaxhimit të Burimeve Ujore, Tiranë Gerta Lubonja, përgjegjës të zyrës së menaxhimit të burimeve ujore Drin – Bunë, si dhe përfaqësuesve të Institucionit të Prefektit Qarku Shkodër.
Në fokus të këtij takimi ishte shqyrtimi i rasteve për trajtimin e aktiviteteve në brigjet e liqenit si dhe menaxhimi i basenit Drin – Bunë.
Gjatë takimit prezantues u zhvillua një analizë e praktikave më të mira nga Tirana si dhe u diskutuan shembujt pozitiv të Bashkisë Sarandë në lejimin e aktiviteteve pranë brigjeve liqenore.
Krahas kësaj Lubonja u shpreh se është miratuar Plani Kombëtar për Përmbytjet , si dhe po punohet në bashkëpunim me GIZ dhe me Ministrinë e Bujqësisë për hartëzimin e zonave të rriskut në nivel kombëtar. /Njoftim i Prefektit të Qarku Shkodër në faqen zyrtare në Facebook/
