Sipas Meteoalb, në vend vijon dominimi i motit të kthjellet dhe shumë të nxehtë, situatë që do mbetet e tillë deri të martën kur priten vranësira dhe shira të përkohshëm, kryesisht në zonat malore. Po ashtu të martën pritet edhe një rënie e temperaturave me rreth 2 gradë Celcius. Këto kushte atmosferike do të vijojnë deri të premten, kur rikthehen kthjellimet ndërsa temperaturat do të bien me 4-5 gradë të tjera.
Specialistët e Meteoalb thonë se deri të hënën mbetemi me kthjellime dhe temperatura të larta, ku termometri do shënojë deri 40 gradë C, ndërsa të martën do ndihet një renie e lehtë si pasojë e vranësirave dhe shirave të dobët; të premten sërish kthjellime dhe rënie e ndjeshme temperaturash, që i çojnë vlerat termike jo mbi 35 gradë Celcius. “Edhe pse priten shira te paket e te izoluar ne dt. 8 – 10 gusht, territori shqiptar do te mbetet ne kushtet e thatesires deri fundjaven tjeter”,- bën me dije Meteoalb. Thatësira do vijojë edhe gjatë vjeshtës prandaj mbetemi në pritje të nëntorit, që toka të ngopet me lagështirë.
Për bashkëpunime, publikime reklamash, njoftimesh në ShkodraWeb, mund të shkruani në SMS, Whatsapp, Viber +355 67 300 20 70 ose mail: info@shkodraweb.com në çdo kohë!
