Sot në Misionin e Shqipërisë në OKB Gjenevë, zbarkon një grup auditi me urdhër të ministrit Bushati. Një burim nga Gjeneva tregon qëllimin e auditimit. “E-mail-i zyrtar është zbrazur dhe nuk ka asnjë korrespondencë të Misionit me Swiss Mission (Ministria e Jashtme zvicerane) dhe organizma të tjerë homologë dhe ndërkombëtarë” thotë durimi diplomatik.
Sipas të njëjtit burim mësohet se auditi do të shikojë nëse janë zhdukur edhe dokumente nga arkiva dhe dosjet. Ka dyshime se janë zhdukur edhe një mori me dokumentacionesh që i përkasin departamentit të financës në këtë mision. Ambasadorja e re Ravesa Lleshi duket se është shokuar nga situata që ka gjetur në mision, përsa i përket dokumentacionit dhe ndaj ka nxitur ushtrimin e auditit. Zhdukja dhe asgjësimi i dokumentacionit, sikas Kodit te Procedures Penale eshte nje krim, i cili dënohet me burg.
Periudha e auditit lidhet me kohën kur këtë mision e drejtonte zonjë Filloreta Kodra. Në lidhje me këtë audit u kërkua një prononcim në MEPJ. Zëdhënësja e këtij institucioni deklaroi se: “Kemi të bëjmë me një proces normal sipas planifikimit dhe rregullave të auditit. Ne misionin në Gjenevë nuk është bërë audit prej 2015” theksoi zëdhënësja e MEPJ.
Në shkurt 2018 Blerina Zoto, ish- këshilltarja jonë në Misionin diplomatik pranë OKB-së në Gjenevë, ka kallëzuar në Prokurori ambasadoren shqiptare në Zvicër, Filloreta Kodra, duke i renditur nëntë shkelje që ajo ka kryer gjatë drejtimit të ambasadës. Në kallëzim, thuhet se ambasadorja Kodra “më ka cënuar banesën gjithashtu, teksa më ndryshoi kontratën e qirasë dhe e kaloi atë nga emri i Misionit, në emrin tim personal duke shkelur ligjin dhe më pas i kërkonte Agjencisë Imobiliare dhe Misioni Diplomatik në Gjenevë të më nxirrnin jashtë nga banesa dhe nuk më paguante qiratë.
Diplomatja shqiptare dorëzonte në mëshirë të fatit një diplomate shqiptare, në një shtet të huaj. Por Zvicra në asnjë moment nuk e dëgjoi dhe duke qenë se unë ndodhesha prej disa kohësh e sëmurë me raport mjekësor, kaloi në mbrojtjen time dhe u angazhua për të më lehtësuar jetesën, duke më lënë të banoj në të njëjtën banesë, megjithëse fondi i pagesave të qirasë ende nuk është shlyer”. Sipas ish diplomates “Ambasadorja Filloreta Kodra nuk na paguante nëpërmjet bankës por me lekë (CHF) në dorë. Një veprim flagrant dhe që nuk ndodh në asnjë institucion të RSH-së brenda dhe jashtë vendit. Kjo bëhej për shkak edhe të konvertimit të shumave”. /shqiptarja.com/
