“Postimi i rremë”, Policia e Shkodrës reagon për “plagosjen” e një 23 vjeçari njoftuar në rrjete sociale…

Në lidhje me një lajm të publikuar në rrjetet sociale për një shtetas të plagosur me armë zjarri në Shkodër, Drejtoria Vendore e Policisë Shkodër sqaron se:

Shërbimet e Komisariatit të Policisë Shkodër menjëherë kanë nisur kontrollet dhe patrullimin në zonën ku pretendohej se kishte ndodhur plagosja.


Si rezultat i veprimeve të shpejta rezultoi se shtetasi G. S., 23 vjeç, banues në lagjen “Skenderbeg”, Shkodër, ka deklaruar se nuk ka patur asnjë konflikt dhe postimi është i rremë, dhe është postuar nga shtetasi A. P., 27 vjeç, banues në Shkodër.

Nga shërbimet e Komisariatit të Policisë Shkodër është bërë shoqërimi i shtetasit G. S. në ambientet e DVP Shkodër për sqarimin e plotë të rrethanave të postimit dhe vijon puna për kapjen dhe shoqërimin e shtetasit A. P. që ka bërë njoftim të rremë në rrjetet sociale.