Ish-kryeministri Sali Berisha konfirmoi se kandidatët e tij për zgjedhjet e pjesshme vendore në 6 bashki të vendit do të garojnë në koalicion me LSI-në.
Berisha tha se po negociohet lidhur me modalitetet dhe se është në bisedime edhe me parti të tjera.
Ish- kryeministri Berisha e ka bërë të qartë se nuk do të kandidohet me logon e LSI- së por do të ketë një logo të përbashkët koalicioni.
Ai ka zbuluar për herë të parë edhe emrin e koalicionit, i cili do të quhet “Shtëpia e Lirisë”. Është një ide, të cilën më herët e ka përdorur edhe Berlusconi në Itali, madje duke ndryshuar emrin e partisë së tij Forza Italia në “Casa delle Liberta”, në shqip “Shtëpia e Lirive”.
Pyetje: Kandidatët do regjistrohen si të pavarur apo koalicion?
Berisha: Si koalicion, Pa diskutim po. LSI është pjesë e këtij koalicioni dhe po shikohen modalitetet që ka ligji, sepse ligji ka ca modalitete absurde. Po negociohet me parti të tjera. Ka një përcaktueshmëri ligjore sa duhet të jenë, se nuk mund të jenë më shumë, po merret një grup me këtë çështje.