Anëtari i partisë Alternativa për Gjermaninë (AfD), Arthur Wagner, është dorëhequr nga posti i tij në udhëheqjen rajonale, pasi është konvertuar në fenë islame, transmeton AP.
Partia në të cilën ai ka qenë anëtar ka bërë fushatë kundër asaj që e ka cilësuar “islamizim” të Gjermanisë, për shkak të imigrimit dhe rritjes së numrit të të lindurve në mesin e popullatës myslimane në këtë shtet.
Një zëdhënës për AfD-në në lindje të Brandenburgut ka konfirmuar sot se Wagner ka lënë bordin rajonal të partisë dy javë më parë për “shkaqe personale”.
Përmes një emaili, zëdhënësi, Daniel Friese, ka thënë se vetëm pas dorëheqjes së Wagner, partia ka kuptuar për konvertimin e tij, shkruan rel.
E përditshmja gjermane, Tagesspiegel, ka raportuar se Wagner ka qenë aktiv në të kaluarën në ndihmat për refugjatët. Ai i është bashkuar AfD-së, pak kohë pas themelimit të saj më 2016.
Të nderuar lexues dhe vizitorë të portalit tonë! Reklamat që shfaqen, mundësojnë që ShkodraWeb të vazhdojë të jetë e lirë dhe e pandikuar në përcjelljen e të vertetës. Faleminderit nëse i klikoni!
