Policia vë në pranga 57 vjeçarin në Shkodër, vendoste baste online të jashtëligjshme nga celulari…

Nga strukturat e Komisariatit të Policisë Shkodër pas një pune të mirëorganizuar dhe në vijim të planit të masave për parandalimin dhe prangosjen e personave që ushtrojnë aktivitet të paligjshëm të organizimit të lotarive të palejuara, u bë arrestimi në flagrancë i shtetasit, E. T. 57 vjeç, banues në lagjen “Ahmet Haxhia”, Shkodër


Prangosja e tij u bë pasi ky shtetas u kap në flagrancë nga Inspektoret e Kontrollit të Autoritetit Mbikqyres të Lojrave të Fatit Tiranë, në lokalin Bar Bufe që ka në perdorim në lagjen “Naim Gjylbegu”, duke ushtuar aktivitet të paligjshëm të lojërave të fatit.

Në cilësinë e provës materiale iu gjet dhe ju sekuestrua në cilesinë e provës materiale një paisje elektronike smartphone i cili kishte të hapur një faqe të basteve sportive. Materialet iu referuan Prokurorisë së Rrethit Gjyqësor Shkodër për veprën penale të “Organizimi i llotarive të palejuara”.