Gjatë një operacioni, Policia e Lezhës, ka goditur një rast të trafikut të lëndëve narkotike, ku ka bërë të mundur sekuestrimin e rreth 41 kilogramë lëndë narkotike Cannabis Sativa si dhe arrestimin e poseduesit të lëndës narkotike.
Lënda narkotike u kap gjatë transportimit me një mjet tip Benz që drejtohej nga shtetasi Brikel Shërniku, 37 vjeç, banues në Lezhë, në rrugën dytësore që të çon në fshatin Kallmet Lezhë.
Materialet i kaluan për ndjekje të mëtejshme Prokurorisë pranë Gjykatës së Shkallës së Parë Lezhë, në ngarkim të këtij shtetasi për veprën penale të “Prodhim dhe shitje të narkotikëve”.
